Муркаш округĕнче Ачасене хÿтĕлемелли Пĕтĕм тĕнчери куна анлăн паллă турĕç. Çак кун Чăваш Республикин Пуçлăхĕ Олег Николаев пуçарнă «Яркое лето Чувашии» проекта тата «Взрослые - детям» ыркăмăллăх марафонне старт пачĕç.

Уяв шавлă та хаваслă иртрĕ. Ачасем ашшĕ-амăшĕпе тата клоунсемпе пĕрле савăнчĕç. Тĕрлĕ вăйăсем вылярĕç. Кăсăклă конкурссене хутшăнчĕç. Муркаш муниципалитет округĕн вĕренÿ, çамрăксен политикин тата физкультурăпа спорт пайĕн ертÿçи Зоя Дипломатова ыркăмăллăх акцине хутшăнса хăйĕн укçине куçарса пачĕ. Унăн алли çăмăл пуласса шанаççĕ.