Пӗрлехи патшалӑх экзаменӗн тӗп тапхӑрӗччен шутлӑ кунсем юлчӗҫ. Кӑҫал республикӑри 5 пине яхӑн вунпӗрмӗш класра вӗренекен хӑй пӗлӗвӗпе хӑнӑхӑвне кӑтартма хатӗр. Ҫапла пӗлтернӗ Чӑваш Республикин Пуҫлӑхӗ Олег Николаев хӑйӗн телеграм-каналӗнче. Эпир тӗрӗс наукӑсене суйлакан ачасен йышӗ ӳснине куратпӑр: кӑҫал вӗренсе тухакансен 21 проценчӗ физикӑна, 59 проценчӗ профиль математикине, 19 проценчӗ биологие тата 16 проценчӗ химие суйланӑ. Ҫакӑ ашшӗ-амӑшӗпе, педагогсемпе тата предприятисемпе пӗрле ӗҫленин кӑтартӑвӗ. Экзаменсене 5 пин пункт работникне, экзамен комиссийӗн 200 членне тата 300 ытла сӑнавҫӑна явӑҫтарнӑ. Ашшӗ-амӑшӗ пӗрремӗш хут сӑнавҫӑсем пек хутшӑнма пултарать. Материалсемпе, резерври ҫыхӑну каналӗсемпе, онлайн-видеосӑнавпа тивӗҫтернӗ тата экзаменсене тӗрӗслесе тӑма Регионти лару-тӑру центрне йӗркеленӗ. Пур процесс та ҫӳллӗ йӗркелӳ шайӗнче тата йӗркене пӑсмасӑр иртни кирлӗ. Пирӗн ачасем çакна пултарасса шанатӑп! Экзаменсенче пурне те ӑнӑҫу сунатӑп!