Çурхи ака-суха ĕçĕсене вĕçлесен чăваш çынни Акатуйне пуçтарăнать. Ку ĕлĕкрен пыракан йăла. Савăнма сăлтавĕ те пур, пулас тухăç никĕсне хывса хăварнă. Кăçал Акатуй июнĕн 12-мĕшĕнче Лантăш вăрманĕн уçланкинче иртет. Ырă йăлапа ĕçре палăрнисене чыслаççĕ. Уявра юрă-кĕвĕ янăрать. Спорт ăмăртăвĕсем иртеççĕ. Уяв ирттерес ыйтăва ĕнер йĕркелÿ комитечĕн ларăвĕнче сÿтсе яврĕç. Ăна округ пуçлăхĕ Алексей Матросов ертсе пычĕ. Тĕплĕнрех çитес номерсенче пĕлтеретпĕр.