Чăваш Республикинчи потребитель кооперацийĕн предприятийĕсемпе организацийĕсем хушшинчи республикăри экономика ăмăртăвĕн иртнĕ çулхи тăваттăмĕш кварталти ĕçне шута илнин пĕтĕмлетĕвĕ тăрăх Муркаш райповĕ пĕтĕмĕшле ĕç-хĕле аталантарассипе - 1-мĕш вырăнта, çавăн пекех пĕрлехи ĕç-хĕлтен пĕрлехи тупăш 650 млн тенкĕ ытла тăвакан потребитель обществисем хушшинче - 1-мĕш вырăнта, халăхран сĕт туянассипе - 2-мĕш вырăнта, производствăна аталантарассипе - 3-мĕш вырăнта, çĕр улми туянассипе те кăтарту пысăк. Унсăр пуçне Муркаш кооператорĕсем иртнĕ çул пĕтĕмлетĕвĕ тăрăх «Потребительское общество - лидер работы с личными подсобными хозяйствами Чувашпотребсоюза» республика конкурсĕнче - 2-мĕш вырăнта.

Мăн Сĕнтĕр райповĕ пĕрлехи ĕç-хĕлтен пĕрлехи тупăш 650 млн тенкĕрен сахалрах тăвакан потребитель обществисем хушшинче иртнĕ çулхи 4 квартал ĕçĕпе - 2-мĕш вырăнта, çавăн пекех услугăпа тивĕçтерессипе - 2-мĕш вырăнта, çĕр улми туянассипе - 1-мĕш вырăнта.

Республикăри экономика ăмăртăвне Чăваш Республикинчи потребитель кооперацийĕн предприятийĕсемпе организацийĕсем хушшинче ирттереççĕ, экономика, финанс кăтартăвĕсене шута илеççĕ.

Чăвашпотребсоюзăн пресс-служби.