Тротуарпа самокатпа пыракансем çуран утакансене тепĕр чухне чăрмав кÿреççĕ. Çанталăк ăшăтнă май вĕсем нумайланчĕç. Шалти ĕçсен пайĕ самокатпа çÿреме кăмăллакансене çул çинче асăрхануллă пулмаллине аса илтерет. Çул-йĕр правилине пăхăнманнисене хăрушсăрлăх инспекторĕсем тытса чарма тата самокатчика 800 тенкĕрен пуçласа 2500 тенкĕ таран штрафлама пултараççĕ. Çакна асра тытмалла: самокатпа пыраканăн хăвăртлăх 25 кмŸч ытла пулмалла мар* унпа пĕр çын кăна çÿреме пултарать* унпа çÿрекенĕн шлем, çутта хирĕç çутатакан япала, чĕркуççи çине тата чавсана тăхăнмалли хатĕрсем кирлĕ* çул çине тухас пулсан тормоз юсавлăхне, сасă сигналне, малти тата хыçалти çутăсене тĕрĕслемелле. Самокатпа велосипедпа çÿремелли вырăн­сенче, велоçул çук пулсан тротуар тата çуран çÿ­рекенĕн зонинче, автоçулăн сылтăм айккинче ярăнма юрать. 7 çулчченхи ачасен ятарлă вырăнта, ун пекки çук пулсан - тротуар çинче аслисем пăхса тăнипе ярăнма юрать. 7 çултан пуçласа 14 çулчченхисем те çав вырăнтах ярăнма пултараççĕ. Вĕсене асли­сем пăхса тăни кирлех мар. 14 çултан аслăраххи­сем автоçулăн сылтăм хĕррине тухма пултараççĕ, енчен те самокат валли ытти çул çук пулсан. Электросамокатăн хăвăртлăхĕ 60 кмŸч пысăк пулмалла мар. «Дорога для автомобилей» çул­ йĕр палли пур вырăнта самокатпа çÿремелле мар. Автотранспорт çулĕ урлă çуран çын каçмалли вырăнта анчах каçмалла, унта самоката алăра юнашар тытса утмалла. Электросамоката 18 çул тултарсан кăна арен­дăна илме юрать. Сыхлăх пирки пурин те пĕлсе тăмалла. Хăвăрăн тата ыттисен пурнăçне те упрăр.

Александр ЩеРБАКОВ, ГИБДД инспекторĕ.