Çанталăк кунран­кун ăшăтса, тав­ралăха симĕс сăн кĕрсе пырать. Çавна май çĕр ĕçченĕ кашни самантпа туллин усă курма тăрăшать, ĕç шавĕ уй­хирте сарăлса пырать. Ял хуçалăх производство коопера­ тивĕсем, хресчен (фермер) хуçалăхĕ­сем, çавăн пекех хушма хуçалăхри çĕр ĕçченĕсем хĕрÿ тапхăр валли хурçă утсене техника тĕрĕслевĕ витĕр кăла­раççĕ. Ку питех те пысăк пĕлтерĕшлĕ ĕç, вăл ĕç хурăшсăрлăхĕпе, çынсен сывлăхĕпе пурнăçне сыхласа хăварас­сипе çыхăннă. Юсавсăр тата техни­ка тĕрĕслевĕ витĕр тухман техникăпа ĕçлени вара хăрушлăх умне те кăларса тăратма пултарать. Муркаш муниципалитет округĕн ял хуçалăхĕпе экологи пайĕнчен пĕлтернĕ тăрăх, апрелĕн 17­мĕшĕ тĕлне округ­ри мĕнпур формăллă хуçалăхсем 4752 гектар çинчи кĕрхи культурăна, 2006 га нумай çул ÿсекен курăксене апатлан­тарнă, 2140 га сÿреленĕ. Çак кунсенчех хуçалăхсем ака ĕçне те пуçăнма палăртаççĕ.