Республикӑра тавралӑха тирпей­илем кӗртессипе йӑлана кӗнӗ экологи уйӑх­лӑхӗ старт илет. Ҫапла пӗлтернӗ Чӑваш Республикин Пуҫлӑхӗ Олег Николаев хӑйӗн телеграм­каналӗнче. Пин­пин мероприятие яхӑн ирттерме палӑртнӑ. Ҫав шута массӑллӑ «Симӗс Раҫҫей» субботниксене, «Раҫҫей шывӗ» тата «Астӑвӑм сачӗ» акцие кӗртнӗ. Кӑҫал пӗтӗм Раҫҫейри «Наци тыр­пул пухса кӗртес уйрӑмлӑхсем» акци пӗрремӗш хут иртет. Анчах тасатнӑ ҫӗрте мар, ҫӳп­ҫап тӑкман ҫӗрте таса пулать. Шӑпах ҫавӑнпа муниципалитетсен пуҫлӑхӗсене пирӗн ҫынсем пурӑнакан вырӑнсенче ҫӳп­ҫап пухмалли инфратытӑм ҫителӗклӗ пул­ни ҫине пӑхма ыйтатӑп. Ку вӑл пирӗн халӑх пурӑнакан вырӑнсен тасалӑхӗпе хӑтлӑхӗшӗн пӗлтерӗшлӗ. Ҫитес эрнере вара ӗҫ коллективӗсем­пе вӗренӳ заведенийӗсенче субботник­сем йӗркелемелле. Пурне те ҫак мероприятисене хут шӑнма тата Чӑваш Енри хӑтлӑха хамӑр тӳ­пене хывма чӗнетӗп. Пӗрле хамӑр тӑрӑха тата илемлӗрех те хӑтлӑрах тӑвӑпӑр.