Эпир «Ачалӑх ячӗпе, ачалӑхшӑн» марафона старт патӑмӑр. Кун пирки Чӑваш Республи­кин Пуҫлӑхӗ Олег Николаев хӑйӗн телеграм­-каналӗнче пӗлтернӗ. Ку вӑл ахаль акци кӑна мар, вӑл эпир хӳтӗлеме, пулӑшса пыма, кӑтартса пыма хатӗррине пӗлтерет. Марафон иртекен 28 ҫул хушшинче эпир пурте пӗрле нумай ӗҫ турӑмӑр. Пӗлтӗр кӑ­на пурнӑҫри йывӑр лару­тӑрури ачасене тата инвалид ачасене пулӑшма 6 млн ытла тенкӗ пухнӑ. Ҫакӑн хыҫӗнче – такамӑн шӑпи, такамӑн ҫемйи, ҫӑлнӑ ачан кулли. Ку эпир мӗншӗн ӗҫлени пулать. Эпир яланхи пекех ҫемьепе марафона пулӑшатпӑр. Патшалӑха, бизнеса, общес­твӑна тата кӑмӑл пуррисене пурне те марафо­на хутшӑнма чӗнетӗп. Пӗрле кӑна пуласлӑхӑн ҫирӗп никӗсне туса хума пултаратпӑр. Чӑваш Енре ӳснӗ кашни ача ҫитӗнсен ҫапла калатӑр: «Манӑн ачалӑх телейлӗ пулнӑ!» Ку пирӗн пӗрлехи задача тата манӑн ӗмӗт, тенӗ регион пуҫлӑхӗ.