Пирĕн округра хăйсен ĕçне чунĕпе парăннă пултаруллă культура ĕçченĕсем сахал мар. Сăн ÿкерчĕкре эсир вĕсенчен иккĕшне - Мăн Токшик ялĕнчи клуб ертÿçине Светлана Ивановăна тата Тĕп клуб тытăмĕн илемлĕх ертÿçине Александр Семенова - куратăр. Светлана Александровнăпа Александр Германович ял-йыш хисепне куллен вăй хунипе тивĕçнĕ. Культура ĕçченĕсем пирĕн пурнăçа илем кÿреççĕ, хавас кăмăл парнелеççĕ, пурăнма вăй-хăват параççĕ.