Паян никамăн та алă усса ларма вăхăт çук. Кун вăрăмланнă май уй-хир ĕçĕсем çывăхарах та çывăхарах. Муниципалитет округĕнчи пĕрлешÿллĕ кооперативсемпе хресчен (фермер) хуçалăхĕсем çĕнĕ технологисене алла илсе тата патшалăх кÿрекен пулăшупа туллин усă курса иртнĕ кунсенче çур аки ĕçĕсене пуçăнчĕç. Малтанах вĕсем кĕрхи культурăсемпе нумай çул ÿсекен курăксене минераллă удобренипе апатлантарма тухрĕç. Иртнĕ кунсенче округра кĕрхи культурăсене пĕтĕмпе 1171 гектар, нумай çул ÿсекен курăксене 231 гектар апатлантарма ĕлкĕрнĕ те ĕнтĕ. Ку ĕçсене хальлĕхе уйрăмах «Свободa», «Герой», «Куснар» кооперативсемпе Андрей Пихтеров ертсе пыракан хресчен (фермер) хуçалăхĕнче нумайрах пурнăçланă.

Анатолий БЕЛОВ.