- Республикăри çул-йĕре аталантарассипе Росавтодорпа çыхăнăва çирĕплететпĕр. Çапла пĕлтернĕ Чăваш Республикин Пуçлăхĕ Олег Николаев хăйĕн телеграм каналĕнче. Федераци çул-йĕр агентствин ертÿçипе Роман Новиковпа регионти автомобиль çулĕсене аталантарассипе Меморандум алă пусрăмăр. Документпа килĕшÿллĕн 2030 çулччен 51 млрд тенкĕ финанслама палăртнă, çав шутран 20 млрд тенки - федераци бюджетĕнчен. Çак пулăшупа 2030 çул тĕлне 400 километра яхăн çул юсатпăр. Çапла 500 пин ытла çыннăн транспортпа усă курмалли май лайăхланать.