2025 çулта Чăваш Енти пушар хăрушсăрлăхĕн тапхăрĕ апрелĕн 1-мĕшĕнчен пуçланать. Чăваш Республикин Министрсен Кабинечĕн çакăн пирки калакан постановленине премьер-министр тивĕçне пурнăçлакан Сергей Артамонов алă пусса çирĕплетнĕ. Документра вăрман тата çут çанталăк пушар хăрушсăрлăхĕн объекчĕсен переченьне палăртнă. Вăл шутра: çынсем пурăнакан 199 вырăн, ача-пăча канăвĕн 13 лагерĕ тата 23 сад юлташлăхĕ.

Аса илтеретпĕр, 2021 çулта пушар хăрушсăрлăхĕн тапхăрĕ апрелĕн 25-мĕшĕнчен пуçланнă, 2022 çулта - апрелĕн 11-мĕшĕнчен, 2023 - 2024 çулсенче - апрелĕн 1-мĕшĕнчен.