Тольятти хулинче Атăлçи федераци округĕнчи боксерсен турнирĕ иртнĕ. Унта 158 вăйлă боксер хутшăннă, вĕсем пурте Атăл тăрăхĕнчи 14 регионтан килнĕ.

Чăваш Республикин командине округсемпе хуласенчи 13 спортсмен кĕнĕ. Вĕсен шутĕнче – «Сывлăх» спорт шкулĕн боксерĕ Серафим Хораськин. Вăл виçĕ тытăçура çĕнтернĕ. Çапла 54 килограмм виçеллĕ категорире турнир çĕнтерÿçи пулса тăнă.

Ентеш «Раççей спорт мастерĕн кандидачĕ» норматива çирĕплетнĕ. Раççейре 15 – 16 çулхи çамрăксем хушшинче иртекен турнира хутшăнма путевка çĕнсе илнĕ. Турнир апрельте Суздаль хулинче иртет.

Надежда СУВОРОВА.