Чăваш Республикин Конкурентлă политика тата тариф енĕпе ĕçлекен патшалăх служби халăха ваккăн сутмалли газ хакне палăртнă. Асăннă служба постановлени проектне пичетлесе кăларнă. 2025 çулхи июлĕн 1­мĕшĕнчен çынсем газ хатĕрĕпе усă курса апат пĕçереççĕ е шыв ăшăтаççĕ пулсан, 1 кубла метршăн 8,16 тенкĕ тÿлемелле пулать. Газ калăпăшне шута илмелли хатĕр çук пулсан, каш­ни çыншăн уйăхсерен 97,92 тенкĕ тÿлеме тивет. Газпа çурта хутса ăшăтма тата ытти тĕллевпе усă курсан, 1 пин кубла метршăн 8162,10 тенкĕ тÿлемелле. Асăннă служба ертÿçи Сергей Егоров газ хакĕ кăçалхи пĕрремĕш çур çулта улшăнмассине каланă, вăл унчченхи шайрах юлать.