«Солнышко» ача садĕнчи «Пчелка» ушкăнра ачасен тавракурăмне анлăлатас тĕлĕшпе «Сказки Фиолетового Леса» методикăпа анлăн усă куратпăр. Çакă вĕсен ăстăн шайне те, ăсталăхне те ÿстерет. Ку методика вăйă мелĕпе иртет, «Развивающие игры Воскобовича» фирма пособийĕпе усă куратпăр, юмахсем те ачасене кăсăклантараççĕ, вĕренÿ задачисемпе сюжет кăткăс. Вĕренÿ ĕçне вăйă мелĕпе ирттерни ачасен тимлĕхне, астăвăмне çивĕчлетет. Çавна май вĕсем лару-тăрăва тишкерме, япаласене танлаштарма вĕренеççĕ. Ача вăйă сюжетĕнче персонаж шайĕнче тĕрлĕ чăрмава сирме хăнăхать, хăйĕн ĕçне саванăç туйăмĕпе хаклать. Вăйă сюжетĕнчи йывăр лару-тăру ачара шухăшлав ĕçне вăйлатать.

О. Петрова, С. Иванова воспитательсем.