Правительство çуртĕнче мартăн 1-мĕшĕнчен федераци саккунне улшăнусем кĕртнине сÿтсе явнă. Сăмах ялсенче, сад юлташлăхĕсенче çĕр лаптăкĕсене усă курмасан, хуçисене штраф парасси çинчен пырать. Виçĕ çул хушши пушшăн выртарсан, лаптăк патшалăха куçма пултарать.

Росреестрăн Чăваш Енти управленийĕн ертÿçи Екатерина Карпеева каланă тăрăх, саккун тĕллевĕ çĕр лаптăкĕсене туртса илесси мар, вĕсемпе тухăçлă усă курма хистесси.

Чăваш Республикин Пуçлăхĕ Олег Николаев саккуна кĕртнĕ çĕнĕлĕхсене çынсене ăнлантарса пама хушнă.