Республика правительстви Культура çурчĕсене юсама тата хатĕрсем туянма укçа-тенкĕ уйăрнă. Тивĕçлĕ йышăнăва Олег Николаев алă пуснă.

Конкурс йĕркипе суйласа илнĕ тăрăх культура учрежденийĕсен пурлăхпа техника базине çирĕплетме 27,1 млн тенкĕ уйăрнă. Укçа-тенкĕне 14 округ тивĕçнĕ, вĕсен шутĕнче Муркаш округĕ те пур. «Çемье» нацпроект шайĕнче уйрăм округсенче тĕслĕх библиотекăсем тума 39 млн тенкĕ уйăрма палăртнă.