Муркаш округĕн депутатсен Пухăвĕн черетсĕр 46-мĕш ларăвĕ пулнă. Унта «Чăваш Республикин Муркаш муниципалитет округĕн Хисеплĕ гражданинĕ» ят парасси çинчен ыйту пăхса тухнă. Депутатсем Тăван çĕршывăн Аслă вăрçин паян пурăнакан 99 çулхи ветеранĕсене – Катькас территори пайĕнчи Анаткасри Василий Григорьевич Григорьева тата Муркашри Николай Гаврилович Алексеева – Хисеп кĕнекине кĕртме йышăннă. Çавăн пекех депутатсем Хисеп кĕнекине паллă ăста хирурга, Чăваш Республикин тава тивĕçлĕ врачне Геннадий Мефодьевич Огурцова кĕртме йышăну тунă.

Пухăвĕн председателĕ Александр Иванов.