Чӑваш Республикинче, Атӑлҫи округӗнчи ытти регионсемпе (ПФО) танлаштарсан, коммуналлӑ пулӑшу ӗҫӗсен тарифӗсем чи пӗчӗккисенчен пӗри.

Статистика пӗлтернӗ тӑрӑх, 2024 ҫулхи декабрь уйӑхӗнче коммуналлӑ пулӑшу ӗҫӗсен уйрӑм тӗсӗсемпе усӑ курмалли тарифсем ҫакӑн пек виҫепе йӗркеленнӗ:

 Чӑваш Республикинче сивӗ шывпа тивӗҫтермелли тата таса мар шыва юхтарса кӑлармалли пулӑшу ӗҫӗсемшӗн вӑтам тариф 1 кубла метршӑн 56,37 тенкӗпе танлашать. Чи пысӑк виҫе Пермь крайӗнче – 79,00 тенкӗ, чи пӗчӗкки Мари Республикинче – 55,28 тенкӗ;

 республикӑри ӑшӑпа тивӗҫтермелли вӑтам тариф 1 Гкалшӑн 2284,80 тенкӗ шутланать. Чи пысӑк вӑтам тариф Чулхула облаҫӗнче регистрациленӗ – 3203,37 тенкӗ, чи пӗчӗкки Мари Республикинче – 1927,84 тенкӗ;

 Чӑваш Республикинче вӗри шывпа тивӗҫтермелли вӑтам тариф 1 кубла метршӑн 198,10 тенкӗпе танлашнӑ. Чи пысӑк виҫе Мари Республикинче – 218,52 тенкӗ, чи пӗчӗкки Оренбург облаҫӗнче – 157,71 тенкӗ;

 Чӑваш Республикинче ҫут ҫанталӑк газӗн 1 кубла метр хакӗ 7,42 тенкӗпе танлашать. Чи пысӑк хак Киров облаҫӗнче – 11,10 тенкӗ, чи пӗчӗк хак Мордва Республикинче – 7,35 тенкӗ;

 Чӑваш Республикинче, Атӑлҫи округӗнчи ытти регионсемпе танлаштарсан, ҫӳп-ҫап тиесе тухнӑшӑн тӳлев чи пӗчӗкки – ҫын пуҫне 59,73 тенкӗ шутланать. Ҫав хушӑрах республика территорийӗнче ялти уйрӑм ҫуртсенче пурӑнакан граждансемшӗн тӳлев – 57,23 тенкӗ. Чи пысӑк тӳлев Чулхула облаҫӗнче – 163,64 тенкӗ.

Чӑваш Республикинче 100 кВт сехет электроэнергишӗн 419,38 тенкӗ тӳленӗ. Чи пысӑк тӳлев Чулхула облаҫӗнче – 563,70 тенкӗ, чи пӗчӗкки Оренбург облаҫӗнче – 384,48 тенкӗ. Патшалӑх службин ертӳҫи Сергей Егоров ҫапла пӗлтерет: Атӑлҫи округӗнчи ытти регионсемпе танлаштарсан, пирӗн республикӑра тарифсем – чи пӗчӗккисенчен пӗри, ҫӳп-ҫап тиесе тухнӑшӑн вара – чи пӗчӗк тӳлев.

Чӑваш Республикин конкурент политикипе тарифсем енӗпе ӗҫлекен патшалӑх служби.