Муркаш округĕнче инвестици проекчĕсене пурнăçа кĕртнине тишкернĕ. Ларăва регион ертÿçин пулăшаканĕ Александр Шкредов ертсе пыракан ĕç ушкăнĕ хутшăннă. Ларура 2025 – 2030 çулсем валли йышăннă Социаллă пурнăçпа экономика аталанăвĕн комплекслă программине сÿтсе явнă. Округ пуçлăхĕ Алексей Матросов палăртнă тăрăх, Муркаш округĕпе программăна 2 проект-драйвер кĕртнĕ. Пĕрремĕшĕ, Лантăш тăрăхĕнче агротехнопарк тата пурăнмалли çурт-йĕр кварталĕ йĕркелесси. Иккĕмĕшĕ, Атăл шывĕн хĕрринче Ильинка тата Васильевка выççăлкки çывăхĕнче туристсен кластерне аталантарасси.

Асăннă программăсен шутне темиçе хушма программа кĕрет: «Территория дома отдыха «Ильинский», «Парк активного отдыха», «Туристический комплекс с лодочной станцией», «Благоустройство вокруг Старейшины чувашских дубрав – самого крупного дуба в Чувашской Республике».

Муркаш округĕн инвестици профильне 2021 çулта туса хатĕрленĕ. Кунта 5 проект шутланать. Вĕсенчен иккĕшĕ республикăри комплекслă программăна кĕнĕ: «Строительство высокотехнологического хаба с функциями низкотемпературных и обычных складов, цехов по первичной переработке и фасовке продукции АПК» тата «Организация прибрежной зоны отдыха и сопутствующими объектами инфраструктуры гостеприимства (кафе, места отдыха, рыбной ловли, прогулками по воде и т.д.)». Унсăр пуçне республикăри комплекслă программăна 20 инвестици проекчĕ кĕнĕ. Вĕсене те ларура тĕплĕн сÿтсе явнă. Чăваш Республикин Пуçлăхĕ Олег Николаев каланă тăрăх, 2025 – 2030 çулсем валли йышăннă Социаллă пурнăçпа экономика аталанăвĕн комплекслă программи пĕтĕм республикăна çĕнелме пулăшмалла. Çав шутра – Муркаш округне те. Муркашсен палăртнине пурнăçлассипе кăмăлĕсем çирĕп. Çанă тавăрса ĕçе Тытăнмалли çеç юлать