Муркаш районне тунăранпа кăçал 81 çул çитет. Ытларикун уяв ирттерме йĕркеленĕ комитет ларăвĕ пулчĕ. Ăна округ пуçлăхĕ Алексей Матросов ертсе пырать. Ларура района йĕркеленĕренпе 81 çул çитнĕ ятпа савăнăçлă лару февралĕн 14-мĕшĕнче Турайри Культура çуртĕнче ирттерме палăртрĕç.

Культура çуртне юсаса çĕнетнĕ хыççăн иртнĕ çул вĕçĕнче уçрĕç, пуриншĕн те çитсе курни вырăнлă.

Пухура округ пуçлăхĕ Алексей Матросов, хăнасем салам сăмахĕ калаççĕ. Яланхи йăлапа ĕçре маттуррисене чыслаççĕ. Лайăх енчен палăрнисене стипендие тивĕçнин свидетельствисене параççĕ. Уявра, паллах, юрă-кĕвĕ те янăрĕ. Савăнăçлă пуху 11 сехетре пуçланать.