Тăван çĕршывăн Аслă вăрçине хутшăннисене пысăк тимлĕх уйăрмалла. Вĕсем – Çĕнтерÿ уявĕн тĕп участникĕсем. Çĕршыва çăлса хăварнисене пирĕн тивĕçлĕ пурнăç туса памалла. Çапла каланă РФ Президенчĕ Владимир Путин «Çĕнтерÿ » йĕркелÿ комитечĕн ларăвĕнче.

Президент вăрçă ветеранĕсене, салтак арăмĕсене, тыл ĕçченĕсене, ачалла концлагерьте тата Ленинград блокадинче пулнисене, ПВО объекчĕсенче ĕçленисене пĕр хутчен тÿлев парасси çинчен пĕлтернĕ.

Ятарлă указпа вĕсене 55 пин тенкĕрен пуçласа 80 пин тенкĕ таран тÿлеççĕ.

Президент çавăн пекех ветерансене «Хисеплĕ гражданин» ят панине ырлани çинчен пĕлтернĕ.