Республикăра ятарлă çар операцине хутшăнакансене пĕр хутчен паракан тÿлеве ÿстернĕ. Чăваш Республикин Пуçлăхĕн Олег Николаевăн йышăнăвĕпе вăл 2025 çулта 1,4 млн тенкĕпе танлашать. Çак тÿлевпе республикăра пурăнакансене çар тивĕçне пурнăçлама мобилизаципе тата призывпа явăçтарсан тивĕçтереççĕ. Ку шута Росгварди сотрудникĕсем те кĕреççĕ. Контракта 2025 çулхи январĕн 1-мĕшĕнчен пуçласа декабрĕн 31-мĕшĕчченхи тапхăрта çырмалла. Контракт срокĕ – 1 çултан кая мар. Çар операцийĕн задачисене Донецкпа Луганск Республикисенче, Запорожьепе Херсон облаçĕсенче пурнăçламалла пулать.