Сăн ÿкерчĕкре Муркаш округ аталанăвне пысăк тÿпе хывнă хастар çынна – Владимир Никитина куратăр. Унăн пĕтĕмĕшле ĕç стажĕ алă çул ытла, вăл халĕ те стройра.

Ответлăха туякан хастар çынна ĕçре яланах яваплă должноçсем шаннă. 21 çул Муркаш район администрацийĕн пуçлăхĕн çумĕ пулса тăрăшрĕ, çав хушăрах район администрацийĕнче пурăнмалли çурт-йĕрпе коммуналлă хуçалăх тата ку тĕлĕшри ытти ыйтупа ĕçлекен пая ертсе пычĕ. Халĕ «Муркашри пурăнмалли çурт-йĕрпе коммуналлă хуçалăхăн ертсе пыракан компанийĕ» чикĕллĕ яваплăхлă общество ертÿçин çумĕнче 6 çул ытла тăрăшать.

Владимир Германович обществăлла ĕçре те хастар, округри Общество палатине иккĕмĕш çул ертсе пырать. Унăн тăрăшулăхне тĕрлĕ наградăпа хакланă.