Хĕл каçакан чечексене сивĕ кунсене епле хатĕрлемеллине каласа паракан çук-ши?

Анфиса СКВОРЦОВА.

Мăн Сĕнтĕр сали.

Ялта пурăнаканăн килти хушма хуçалăхĕнче чечексĕр пулма та пултараймасть. Анчах вĕсене хĕл каçарасси нумай чух питех те ыйтуллă пулса тухать. Çакна шута хурса хамăн сĕнÿсене парас тетĕп. Çĕр ăшĕнче хĕл каçакан ирис, флокс, примула, дельфиниум, люпин чечексене çĕрĕк тăприпе е компостпа витмелле. Япăхрах хĕл каçакан ÿсен-тăрана çĕр кăшт шăнсанах типĕ çулçă сийĕпе (10 – 15 см) е торфпа (5 – 6 см) сапса хумалла. Пукрав иртнĕ май кил хуçи хĕрарăмĕн нарциса, тюльпана, гвоздикăпа хризантемăна та витме манмалла мар.

Валентина ДАНИЛОВА, чечек ăсти.