Муркашри Культура ҫуртӗнче «Супер асанне – 2026» конкурс иртнӗ. Сцена ҫине тӑхӑр маттур хӗрарӑм – пурте ӑнӑҫлӑ, хастар тата калама ҫук пултаруллӑ. Вӗсенчен кашниех мӑнукӗсемпе пӗрле килнӗ, хӑйсен историйӗсемпе паллаштарнӑ. Каласа кӑтартнисем пурте юратупа, пурнӑҫ опычӗпе тулнӑ.

Конкурсанткӑсем тӗрлӗ тӗрӗслевре куракансене тӗлӗнтернӗ:

* «Дефиле» – илемлӗхпе стиль.

* «Визит карточки» – хӑй тата ҫемйи ҫинчен каласа пани.

* «Манӑн мӑнуксем – манӑн мӑнаҫлӑх» – чи хакли ҫинчен чуна пырса тивекен историсем.

* «Атьӑр-ха, кинемейсем!» – пултарулӑх конкурсӗ.

* «Супер кучченеҫ» – килти апат-ҫимӗҫ. Жюрипе куракансем ҫӗнтерӳҫӗсене палӑртнӑ:

* «Супер асанне – 2026» титула Вероника Петрова (Йӳҫкасси территори пайӗ) тивӗҫнӗ.

* Куракансен кӑмӑлӗн парни Альбина Смирновӑна (Ҫатракасси территори пайӗ) лекрӗ.

* «Асанне – йӑла-йӗрке управҫи» – Анфиса Наумова (Оринин территори пайӗ).

* «Асанне – питӗ лайӑх кил хуҫи арӑмӗ» – Ольга Григорьева (Катькас территори пайӗ).

* «Хӑйне евӗрлӗ асанне» – Анна Егорова (Мӑн Сӗнтӗр территори пайӗ).

* «Элегантлӑ асанне» – Зоя Чернова (Юнкӑ территори пайӗ).

* «Пултарулӑх асламӑшӗ» – Надежда Яшкова (Ярапайкасси территори пайӗ).

* «Ӑслӑ вӗрентекен» – Елизавета Дмитриева (Ярославка территори пайӗ).

* «Асанне – чи ҫывӑх тус» – Елена Андреева (Шетмӗпуҫ территори пайӗ).

Конкурса хутшӑнакансене Хӗрарӑмсен союзӗн Муркаш округӗн председателӗ Любовь Рыжкова тата депутатсен округри Пухӑвӗн председателӗ Александр Давыдов саламланӑ.