Июнĕн 18 – 19-мĕшĕсенче Шупашкарта XVI экономика форумĕ ĕçлет. Кунта чикĕ леш енчен, Мускавран, Санкт-Петербургран тата ытти регионтан килнĕ делегацисем хутшăнаççĕ.

Чăваш Республикин Пуçлăхĕ Олег Николаев каланă тăрăх, форумăн тĕп задачи – бизнес, экспертсем тата влаç хушшинче тÿрĕ калаçу йĕркелесси. Республикăна аталантармалли комплекслă плана тата Шупашкар агломерацийĕн мастер-планне тишкереççĕ. Пĕтĕмпе 8,7 млрд тенкĕлĕх 17 килĕшÿ алă пусма палăртаççĕ. Форума килнисем «Регионсем – чикĕсемсĕр килĕштерсе ĕçлесси» пысăк выставкăна хутшăнаççĕ. Республика кунĕн виçинче иртекен уяв мероприятийĕсене регион хăнисемпе кунта пурăнакансем те кайса курма пултараççĕ.