Çемье, юратупа шанчăклăх кунĕнче Чăваш Республикин Пуçлăхĕ Олег Нико­лаев ятарлă çар операцине хутшăнакан­сен мăшăрĕсемпе тĕл пулнă. Тĕл пулу 1 номерлĕ Хула клиника больницинчи Пулас ашшĕ-амăшĕн шкулĕнче ăшă ла­ру-тăрура иртнĕ.

Олег Николаев тата республикăри Хĕрарăмсен союзĕн ертÿçи Наталья Николаева салтаксен мăшăрĕсене асăнмалăх «Рожден­ный Героем» альбомсем тата «Чудо, рожден­ное Героем» медальсем парнеленĕ.

Республика ертÿçи çар çыннисен çемй­исене пулăшса пыни пĕлтерĕшлĕ пулнине палăртнă. Мĕншĕн тесен вĕсем хăйсен упăш­кисемшĕн шанчăклă тыл пулса тăраççĕ. Вăл ятарлă çар операцине хутшăнакансем кĕçех çĕнтерÿпе таврăнассине шаннине каланă.

Тĕл пулу пĕрле чей ĕçнипе вĕçленнĕ. Олег Николаев хĕрарăмсемпе хутшăннă май вĕсене хумхантаракан ыйтусене хуравланă.