Рынок хутшăнăвĕсенче аталанса пыракан Мăн Сĕнтĕр райповĕ халăхшăн ĕçлессине, çак ĕçри пахалăх ыйтăвне яланах ĕç никĕсĕнче тытса пырать. Нумаях пулмасть вăл Москакассинчи "Илем" кафене çĕнĕ хăт кĕртсе уçни тăрăшулăха кура йывăрлăхсене пăхмасăрах аталанма май пуррине çирĕплетрĕ. Райпон тĕп тĕллевĕ тупăш илесси çеç мар - çав тупăша халăх ыйтăвне вăхăтра та туллин, пахалăхлă тивĕçтернипе тăвасси. Çакна "Илем" кафере вăй хуракансем хăйсен кулленхи ĕçĕпе пурнăçа кĕртсе пыраççĕ. Çав шутра - кунта кондитер цехĕнче ĕçлекенсем те (сăн ÿкерчĕкре сулахайран сылтăмалла): Роза Пономарева, Марина Ермакова, Ирина Михайлова аслă кондитер, Любовь Христофорова, Нина Михайлова.

"Çула тухакан выçă ан çÿретĕр", - пĕтĕмлетрĕç хăйсен ĕç пĕлтерĕшне Москакассинчи "Илем" кафере вăй хуракан поварсемпе кондитерсем. Кунта апатлансан çеç вĕсен сăмахĕ ĕçпе тÿр килнине ăнланатăн.

А. БЕЛОВ сăн ÿкерчĕкĕ.